Në të gjitha familjet duhet të përdoret të pakten një porcion me perime në ditë, dhe idealja do të ishte përdorimi i perimeve në çdo vakt.

Ndërkohë mënyra e duhur për t’i bërë të ruajnë të gjitha vlerat e tyre ushqyese do të ishte si më poshtë:

• Nëse i keni perimet në kopështin tuaj, duhet t’i këpusni në momentin që do t’i konsumoni.
• I lani mirë perimet me ujë të rrjedhshëm.
• Mos i lini brenda në ujë për një kohë të gjatë.
• I prisni në copa vetëm në momentin që do t’i përdorni.
• I hidhni erëzat apo limonin në momentin që do t’i shërbeni.
• Gatuani sasinë që do të konsumoni. Ngrohja e tyre shkakton humbjen e vlerave.
• Hidhni në sallatë edhe një sasi të vogël perimesh.
• I gatuani nëse mundeni bashkë me lëkurën, dhe nëse duhet t’i prisni e bëni në copa të mëdha.
• Mos i gatuani perimet për një kohë të gjatë.
• Mos i zieni në sasi të mëdha uji.
• Evitoni përdorimin e sodës bikarbonat ndërsa po gatuani pasi shkatërrojnë vitaminat dhe mineralet.
• Idealja do të ishte pjekja në avull në mënyrë që perimet të mund të ruajnë të gjitha vlerat e tyre.
• Karrota duhet të gatuhet shumë pak, në mënyrë që vitamina A të përthithet më mirë nga organizmi.

• Mos ju hidhni shumë kripë. Kjo do të largojë shijen e perimeve.